«владимир зеленский» тегли мақолалар
Украинадаги уруш: томонлар тинчлик битимидан нима кутмоқда?
Украинадаги урушни тугатиш масаласи Мюнхен хавфсизлик конференцияси диққат марказида турибди. Зеленский ҳар қандай музокараларда Украина иштироки бўлиши кераклигини айтмоқда. Трамп ва Путин ўз жамоаларига музокараларни бошлашни буюрган. Хўш, томонлар тинчлик битимидан нималар кутмоқда?
Зеленский АҚШ билан фойдали қазилмалар бўйича шартнома имзолашдан бош тортди — WP
Владимир Зеленский АҚШга Украина минерал ресурсларининг 50 фоизига эгалик қилиш ҳуқуқини берувчи ҳужжатни имзолашдан «хушмуомалалик билан» бош тортди. Трамп аввалроқ АҚШ тинчлик келишуви муваффақиятли бўлишидан қатъи назар, Украина табиий ресурсларидан фойдалана олиши кераклигини айтганди.
Зеленский Россия билан ҳудуд алмашиш ҳақида гапирганди. Кремль бундай вариантни рад этди
Владимир Зеленский музокараларда Курск вилоятининг Украина назоратидаги бир қисмини Украинанинг Россия аннексия қилган ҳудудлари билан алмаштиришни таклиф қилмоқчи экани ҳақида гапирганди. Кремлга кўра, «бу имконсиз: Россия ҳеч қачон ўз ҳудудини айирбошлаш мавзусини муҳокама қилмаган ва қилмайди».
Украинада президент сайлови ҳарбий ҳолат бекор қилингач ўтказилади — Зеленский
«Украинада президентлик сайлови ҳарбий ҳолат тугаганидан сўнг дарҳол ўтказилади», — деди Владимир Зеленский. «Ёки парламент қонунчиликни ўзгартириши керак», — деган президент қонун уруш шароитида сайлов ўтказишни тақиқлашига ишора қилди ва жамият бунга қарши эканини билдирди.
«Менда ҳамма Путин Россиясидан қўрқадигандек таассурот бор» — Зеленский
Украина президенти Владимир Зеленский мамлакатнинг кучи Қрим ва Донбассни қайтариб олишга етмаслиги, Путинга босим ўтказиш ва бу урушни тўхтатиш учун кучли Америка ва Европа кераклигини айтди. «Менда шундай таассурот борки, ҳамма Путин Россиясидан қўрқади, у жазосиз қолмоқда», — деди Зеленский.
Украина армиясининг кучи босиб олинган ерларни қайтаришга етмаяпти — Зеленский
Украина президенти Владимир Зеленский Украина армиясининг Россия томонидан босиб олинган ҳудудларни озод қилиш учун кучлари етарли эмаслигини айтди. У Украина хавфсизлик кафолатларини олиши ва можарони дипломатик йўл билан ҳал қилиш кераклигини билдирди.
Зеленский Украина учун «матонат режаси»нинг моҳиятини тушунтирди
Украина президенти Владимир Зеленский Россия билан урушнинг 1000-кунида мамлакат учун «матонат режаси»ни тақдим этди. У фронт, қурол-яроғ, энергетика, инсон капитали ва маданият каби йўналишларни қамраб олган 10 банддан иборат.
Украина ҳукумати мамлакат учун «матонат режаси»ни эълон қилди
Украина президенти Владимир Зеленский келгуси ҳафтада мамлакат учун уруш давридаги «матонат режаси»ни тақдим этишини билдирди. У ўнта бандни, жумладан, Украинанинг «маданий суверенитети», хавфсизлик, энергетика ва қурол-яроғ ва бошқаларни ўз ичига олади.
Украинада президентлик сайлови 2025 йил май ойида бўлиб ўтиши мумкин — Economist
Украинада президент сайлови учун «маълум тайёргарликлар» бошланди, муҳокама қилинаётган сана — 2025 йил 25 май, деб ёзмоқда Economist нашри. Украина президенти офиси буни рад этмоқда.
Ғарб ОАВ Трампнинг Путин билан суҳбати ҳақида хабар берди. Кремль буни инкор этмоқда
АҚШнинг янги президенти Дональд Трамп Россия президенти Владимир Путин билан телефон орқали мулоқот қилди ва уни Украинадаги эскалациядан қочишга чақирди, деб ёзмоқда Washington Post. Кремль суҳбат бўлганини рад этмоқда.
«Украинани НАТОга таклиф қилиш — урушни тўхтатишнинг ягона йўли» — Зеленский
Украина президенти Владимир Зеленский ўз мамлакатини НАТОга таклиф қилишни Россия билан урушни тугатишнинг ягона йўли деб атади. Унинг фикрича, бу Киевнинг музокаралардаги позициясини мустаҳкамлайди ва украиналикларнинг руҳиятини оширади.
Зеленский Радада Украинанинг «ғалаба режаси»ни тақдим этди
Украина президенти Владимир Зеленский илк бор ўз «ғалаба режаси»ни оммага тақдим этди. У беш банддан иборат ва НАТОга таклифнома, Украинада «ноядровий тўхтатишнинг кенг қамровли пакети»ни жойлаштириш ва Европадаги Америка контингентининг бир қисмини украин ҳарбийлари билан алмашишни назарда тутади.
Украина Россия билан урушни тугатиш режасини АҚШга юборади
Украина Россия билан урушни тугатиш режасини тайёрлади ва АҚШга тақдим этади, деди Украина президенти Владимир Зеленский. У бир неча банддан иборат, улардан бири — Курск вилоятидаги операция.
Россия Украина энергетика объектларига кенг миқёсли зарбалар берди
Россия армияси Украина ҳудудига юздан ортиқ ракета ва дронлар учирди, асосий зарба энергетика объектларига берилди. Украина президенти Владимир Зеленский ҳужумни уруш давридаги энг йирик ҳужумлардан бири деб атади ва мамлакат энергетика секторига «катта зарар етказилганини» таъкидлади.
Путин Украинадаги урушни ҳозирги фронт чизиғи бўйлаб тугатишга тайёр, лекин у жанг қилишга ҳам қарши эмас — Reuters
Россия президенти Владимир Путин ҳозирги фронт чизиғини сақлаб қолувчи сулҳ тузиш орқали Украинадаги урушни тўхтатишга тайёр, деб ёзди Reuters. Агар Украина ва Ғарб бунга рози бўлмаса, Путин урушни давом эттиришга ҳам тайёр.
Россия ИИВ Зеленскийни қидирувга берди
Россия Ички ишлар вазирлиги Украина президенти Владимир Зеленскийни қидирувга бергани маълум бўлди. Унинг қачондан бери қидирувдалиги ва қандай жиноятда айбланаётгани номаълум. Шунингдек, Украинанинг собиқ президенти Пётр Порошенко ҳам қидирувга берилган.
Зеленский: урушнинг икки йилида 31 минг Украина аскари ҳалок бўлди
Украина президенти Владимир Зеленский Россияга қарши икки йилдан бери давом этаётган кенг кўламли урушда 31 минг украиналик аскар ҳалок бўлганини айтди. Бундан ташқари, мамлакатнинг босиб олинган ҳудудларида яна ўн минглаб тинч аҳоли вафот этган.
Валерий Залужний Украина Қуролли кучлари бош қўмондони лавозимини тарк этди
Украина Қуролли кучлари бош қўмондони Валерий Залужний лавозимини тарк этди. Унинг ўрнига қуруқликдаги қўшинлар бошлиғи Александр Сирский тайинланди. Президент Владимир Зеленский Украина Қуролли кучлари раҳбарияти тўлиқ янгиланишини маълум қилди.
Украина ва Британия хавфсизлик битимини имзолади
Буюк Британия G7 давлатларидан биринчи бўлиб Украина билан хавфсизлик бўйича битим тузди. Британиянинг ушбу ҳужжатда келтирилган мажбуриятлари Украина НАТОга қўшилгунча ўз кучида қолади, деди Украина президенти.
Дунё тартибини ўзгартирган уруш: Украина — Россия можаросида ким ютиб, ким ютқизади?
Россиянинг Украинага босқинчилик уруши қачон тугаши ноаниқ. Экспертлар фронт воқеаларидан тахминий хулосани чиқармоқда: баъзилар урушни қаҳратон қиш ҳал этади дейди, айримлар эса мутлақо бошқа фикрда. «Газета.uz» The Guardian нашрида эълон қилинган хулосаларни ўзбек тилига ўгирди.
Энг кўп ўқилган хабарлар | Сўнгги янгиликлар
- Хонанда Ширин Абдуллаева 19 ёшида вафот этди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Тошкентда вояга етмаган қизни меҳмонхонага олиб бориб, унга шилқимлик қилган ва жароҳат етказган эркак қамалди
Қўшимча имкониятлардан фойдаланиш учун сайтда рўйхатдан ўтинг